Балаңызды мектепке MBANK колдонмосу аркылуу бир нече мүнөттө каттаңыз
Баланы мектепке каттоо — ар бир үй-бүлө үчүн маанилүү этап.
Мурда бул процесс көп убакытты талап кылчу: алдын ала барууну пландаштыруу, тизмелерди көзөмөлдөө жана баланы 1-класска кабыл алууга жетишип каласызбы деп тынчсыздануу керек эле.
Эми баланы 1-класска MBANK колдонмосу аркылуу эле каттоого болот — тез, түшүнүктүү жана ашыкча аракетсиз эле.
Ойлогондон да жеңил
Бул кантип иштейт?
Колдонмодо «Мектепке электрондук каттоо» кызматы жеткиликтүү, анда система алдын ала жөндөлгөн:
- Балдарыңызды автоматтык түрдө табат;
- Катталган дарек боюнча мектептерди көрсөтөт;
- Бир-эки гана баскыч менен арыз берүүгө мүмкүнчүлүк берет.
Татаал формалар жок — баары алдын ала толтурулган, сиз болгону текшерип, ырастайсыз.
Баланы мектепке онлайн кантип каттоо керек:
- MBANK колдонмосун ачып, «Кызматтар» бөлүмүнө кириңиз, андан соң «Мамлекеттик кызматтар» жана «Үй-бүлө» бөлүмүн тандаңыз.
- «Мектепке электрондук каттоо» кызматын тандаңыз — анда балдарыңыздын тизмеси көрсөтүлөт.
(Эгер балдарыңыз тизмеде көрүнбөсө, Кыргыз Республикасынын Агартуу министрлигине кайрылыңыз.) - Каттай турган баланы тандаңыз.
- Сунушталган мектепти жана окутуу тилин тандаңыз.
- «Каттоо» баскычын басыңыз. Андан кийин «Кабыл алынды» статусу чыгат.
Маанилүү даталар:
Биринчи этап:
1-апрелден 29-майга чейин (10:00–18:00)
Бул мөөнөттө система ата-эненин катталган дареги боюнча бекитилген мектептерди сунуштайт.
Экинчи этап:
1-июндан 14-августка чейин (10:00–18:00)
Бул мөөнөттө микроучастокко кайда болгонуна карабастан, бош орун бар каалаган мектепти тандаса болот.
Экинчи этаптын мөөнөтү өзгөрүшү мүмкүн — зарыл болгон учурда Кыргыз Республикасынын Агартуу министрлиги узарта алат.
Мамлекет жыл сайын бул процессти дагы да ыңгайлуу жана ачык кылып, санариптик чечимдерди киргизүүдө. Бүгүн MBANK жана Кыргыз Республикасынын Агартуу министрлигинин биргелешкен ишинин аркасында баланы 1-класска каттоо бир-эки баскыч менен тез жана ыңгайлуу болуп калды.
MBANK — биринчи санарип!
КРУБ № 014 лицензиясы