Бишкектен Ошко чейин унаалардын тизмеги: былтыр кыргызстандыктар 139 миң автоунаа алып келишкен

2025-жылы Кыргызстандын ишкерлери жана жарандар өлкөгө жалпы баасы 1 миллиард доллардан ашкан 139 миңден ашуун жеңил автоунаа алып келишти. Эгер бул унааларды бир катар тизсе, узундугу 650 чакырымдан ашкан тыгыз тизме пайда болмок. Бул болжол менен Бишкек менен Оштун ортосундагы аралыкка барабар.

Улуттук статистика комитетинин маалыматына ылайык, Кыргызстан автоунааларды Түштүк Кореядан, Кытайдан, АКШдан жана Европа өлкөлөрүнөн сатып алат. Бул чоң агымдагы ар бир унаанын артында эл аралык акча которуу турат. Төлөмдөрдүн ыкчам жүргүзүлүшү дилерлер үчүн өтө маанилүү, анткени Copart жана IAAI сыяктуу америкалык аукциондор эсептешүүгө бир нече күн гана убакыт беришет. Мөөнөттү өткөрүп жиберүү айып пулга же лотту жоготууга алып келиши мүмкүн. Буга чейин тетиктер же аксессуарлар үчүн чакан төлөмдөр кымбатка түшчү, анткени SWIFT аркылуу минималдуу комиссия 30–50 долларды түзүп, көп учурда бүтүмдөн түшкөн пайданы азайтып салчу.

Азыр Кыргызстандагы ишкерлер чыгымдарын MBusiness колдонмосу аркылуу оптималдаштырып жатышат. MBANK VISA менен биргеликте Visa Direct for Account технологиясын ишке киргизди. Ал АКШдагы, Түштүк Кореядагы, Улуу Британиядагы жана Европа Биримдигиндеги өнөктөштөргө смартфон аркылуу акча жөнөтүүгө мүмкүндүк берет. Кызмат төмөнкүдөй ачык тарифтерди сунуштайт:

• АКШ: 300 долларга чейинки суммалар үчүн 3 доллар туруктуу комиссия, андан жогору болсо — 1%;
• Европа Биримдиги: 700 еврого чейинки суммалар үчүн 7 евро туруктуу комиссия, андан жогору болсо — 1%;
• Түштүк Корея жана Улуу Британия: 300 долларга чейинки суммалар үчүн 3 доллар туруктуу комиссия, андан жогору болсо — 1,27%.

Мобилдик колдонмонун жөнөкөй интерфейси которууну бир нече эле кадам менен жүргүзүүгө шарт түзөт:

• MBusiness колдонмосундагы «Төлөмдөр» бөлүмүнө кириңиз;
• «Башка өлкөгө которуу» кызматын тандаңыз;
• Өлкөнү, эсептен чыгарылуучу каражатты жана сумманы көрсөтүңүз — система комиссияны автоматтык түрдө эсептейт;
• Алуучунун дарегин жана реквизиттерин киргизиңиз;
• Ырастоочу документти (эсеп-фактура же келишим) жүктөңүз;
• Операцияны ырастаңыз.

Мындай ыкма бизнеске кассалардын иш графигине көз каранды болбой, интернет бар каалаган жерден каржысын башкарууга мүмкүнчүлүк берет. MBusiness’тин санариптик инструменттерин колдонуу импорттолгон товарлардын өздүк наркын төмөндөтүп, компанияны бюрократиялык кечигүүлөрдөн коргойт.

MBANK – биринчи санарип! Кыргызстанда жасалган.

КР УБ №014 лицензиясы.