MBANK Euromoney Awards for Excellence 2026 версиясы боюнча Кыргызстандын мыкты банкы деп табылды
MBANK Euromoney Awards for Excellence 2026 эл аралык абройлуу сыйлыгынын дароо үч номинациясы боюнча жеңүүчү болду: «Кыргызстандын мыкты банкы» (Kyrgyzstan's Best Bank); «Кыргызстандагы чакан жана орто бизнес үчүн мыкты банк» (Kyrgyzstan's Best Bank for SMEs); «Кыргызстандын мыкты ислам банкы» (Kyrgyzstan's Best Islamic Bank).
Өлкөнүн мыкты банкы
Euromoney Awards for Excellence сыйлыгынын калыстар тобу MBANKтын ийгилиги кеңири масштабдагы ишмердүүлүктүн, туруктуу өсүштүн жана терең санариптештирүүнүн айкалышына негизделгенин белгиледи. 2025-жылы банк чекене бизнес, корпоративдик сегмент жана чакан жана орто бизнес багыттарын кошкондо бардык негизги багыттар боюнча тең салмактуу өсүшкө жетишти. Чекене сегменттин кирешеси 38%га өстү, кредиттик портфель дээрлик эки эсеге көбөйдү, ал эми кардарлардын саны 20%га артты. Ушундай эле оң динамика корпоративдик блокто да байкалды: киреше 30%дан ашык көбөйдү, бизнеске берилген каржылоо 79%га өстү, ал эми кардарлар базасы дээрлик эки эсеге кеңейди.
Бул көрсөткүчтөрдүн артында MBANK бир нече жылдан бери ырааттуу ишке ашырып келе жаткан негизги принцип турат. Банк кардарларга санарип форматында мүмкүн болушунча жакын болуп, кызмат көрсөтүүнү тез, жөнөкөй жана жеткиликтүү кылууга умтулат. Бүгүнкү күндө чекене кардарлар үчүн сунушталган кызматтардын 99%дан ашыгы толугу менен онлайн таризделет, ал эми эсеп ачуу болгону үч мүнөттү талап кылат.
Чакан жана орто бизнес үчүн мыкты банк
MBANK ошондой эле ишкерликти санариптештирүүгө комплекстүү мамиле жасаганы үчүн сыйлыкка татыды. MBusiness кызматы эсепти башкарууну, төлөмдөрдү жүргүзүүнү жана транзакцияларды көзөмөлдөөнү мобилдик форматта бириктирет. Мындан тышкары, эсептешүү эсебин ачып, ишкер статусун салык органдарына барбастан эле аралыктан алууга болот.
MKassa кызматы бул мүмкүнчүлүктөрдү төлөмдөрдү кабыл алуу багытында кеңейтет. Каттоо смартфон аркылуу жүргүзүлөт, ал эми кызматтар топтомуна банктык карталар жана QR аркылуу төлөмдөрдү кабыл алуу, соода түйүндөрүн жана кассирлерди башкаруу, транзакциялардын аналитикасы жана кошумча онлайн-касса кирет.
Калыстар тобу ошондой эле 2025-жылдын апрель айында ишке киргизилген MBusiness'теги «Күнүмдүк аманаты» өнүмүн жогору баалады. Бул өнүм эсептеги калдыктын үстүнө пайыздарды күн сайын эсептеп турат.
Мындан тышкары, 2025-жылы MBANK Visa менен биргеликте ишке ашырган She's Next аялдар ишкерлигин колдоо программасы да өзгөчө белгиленди. Бизнес-план сынагынын алты жеңүүчүсү жалпы суммасы 19 000 АКШ долларын түзгөн гранттарды алышты, ал эми финалга чыккан катышуучулар жеңилдетилген каржылоого, анын ичинде 500 000 сомго чейин күрөөсүз кредиттерге мүмкүнчүлүк алышты. Ошондой эле MBANK EBRD WE Finance Code демилгесине кошулуп, аял ишкерлер үчүн өзүнчө Business Women каржылоо программасын ишке киргизди.
Мыкты исламдык банк
Үчүнчү сыйлык MBANKтын MIslamic багыты аркылуу өнүктүрүп жаткан ислам банкингиндеги лидерлигин дагы бир жолу тастыктады.
Калыстар тобу MBANK рыноктогу эң ири исламдык каржылоо портфелин жана олуттуу аманаттык базаны түзгөнүн белгилешти. Ал эми ислам сегментинин пайдасынын тармактын жалпы пайдасындагы үлүшү анын коммерциялык туруктуулугун айгинелейт.
Банк чекене кардарлар, корпоративдик кардарлар жана чакан жана орто бизнес үчүн шариат талаптарына ылайык келген каржылык өнүмдүн толук спектрин сунуштайт. Алар мурабаха, ижара, истисна жана кард аль-хасан сыяктуу куралдарга негизделип, бизнести өнүктүрүүгө, активдерди сатып алууга жана пайданы бөлүштүрүү моделдеринин негизинде каражат топтоого мүмкүнчүлүк берет.
Бул багытта санариптештирүү негизги ролду ойнойт. MBANK ислам банкинги үчүн толук интеграцияланган мобилдик экосистеманы өнүктүрүп жатат. Анын алкагында кардарлар каржылоо, аманаттар жана транзакциялык кызматтардын бардыгын бир эле колдонмо аркылуу пайдалана алышат.
Сыйлык тууралуу
Euromoney Awards for Excellence 35 жылдан бери өткөрүлүп келет жана дүйнөлүк банк тармагындагы эң абройлуу, эң узак тарыхка ээ жана эң ири сыйлык берүү программасы болуп саналат.
Өткөн жылдагы сыйлыктын жеңүүчүлөрүнүн катарында DBS, Morgan Stanley, Citi, HSBC, Revolut, Santander, Bank of America жана Societe Generale сыяктуу дүйнөлүк алдыңкы банктар бар.
MBANK — биринчи санарип. Кыргызстанда түзүлгөн!
КР Улуттук банкынын №014 лицензиясы.