MBANK «Байгелер марафону» акциясынын жеңүүчүлөрүн жарыялады: жылдын эң ири финтех-долбоорунун жыйынтыгы чыгарылды
MBANK «Байгелер марафону» акциясынын жеңүүчүлөрүн жарыялады: жылдын эң ири финтех-долбоорунун жыйынтыгы чыгарылды
2026-жылдын 15-февралында «Азия Молл» соода борборунда биз Кыргызстандагы санариптик экосистемабызды өнүктүрүүгө багытталган масштабдуу демилге — «Байгелер марафонун» салтанаттуу жыйынтыктадык.
Долбоор төрт айга созулду — 2025-жылдын октябрынан 2026-жылдын 31-январына чейин — жана өлкө боюнча миңдеген кардарларыбызды бириктирди. «Марафондун» өзгөчөлүгү анын толук түрдө мобилдик тиркемеге интеграцияланышында болду: сиз банктык кызматтарды активдүү колдонуу аркылуу упай топтоп, күнүмдүк төлөмдөр менен которууларды утуш ойнотууга катышуу билеттерине айландырдыңыз.
Башкы сыйлык
Кеченин туу чокусу өнөктөшүбүз — Borsan Construction компаниясы тарабынан курулган «Лофт» турак жай комплексиндеги жаңы бир бөлмөлүү батирдин ачкычын тапшыруу болду. Жеңүүчү сыйлыгын коноктордун кол чабуусу жана эстрада жылдыздары Freeman 996, Tamga жана Айдана Деканын коштоосунда алды.
Ишенбаев Максатбек Бейшенбекович, «МБанк» ААК Башкармасынын төрагасы:
«Миңдеген күнүмдүк төлөмдөр башкы сыйлыкка мүмкүнчүлүккө айланды. Кимдир бирөө үчүн бул тиркемедеги жөн гана сандар эле, ал эми бүгүн — колундагы ачкычтар. MBANK үчүн мындай долбоорлор жөн гана белектер эмес. Бул — ишеним, ачык-айкын санариптик система жана адамдардын жашоосундагы реалдуу өзгөрүүлөр жөнүндө».
Максат Э. А., башкы сыйлыктын ээси:
«Сезимдер абдан аралаш, балким, толук аң-сезим кийинчерээк келет. Албетте, мен Бишкектен батир алууну кыялданчумун. Мен MBANK жана экосистеманын кызматтарын активдүү колдоном: MProfi жана MInvest сервистерин колдонуп көрдүм, MMarketтен товар издедим. Тиркемени күн сайын колдонуп, жөн гана баары сыяктуу эле которууларды жасап, төлөмдөрдү жүргүзүп жүрдүм».
Сыйлык фонду жана негизги жыйынтыктар
Долбоордун жалпы сыйлык фонду 25 000 000 сомдон ашты. Жалпысынан 10 581 утуш орду каралган, анын ичинде ири акчалай сертификаттар бар: 1 000 000 сом — 10 сертификат; 500 000 сом — 20 сертификат; 100 000 сом — 50 сертификат.
Ачык-айкындык жана санариптик стандарттар
Жеңүүчүлөр 31-январь күнү саат 12:00дө автоматташтырылган санариптик система аркылуу аныкталды. Бул 100% ачык-айкындуулукту камсыздап, адам факторун толугу менен жокко чыгарды.
«Азия Молл» соода борборунда өткөн финалдык иш-чарага 500дөн ашуун конок катышып, жыйынтыктар расмий тастыкталып, башкы жеңүүчүлөр сыйланды.
Келечек — биз менен
«Байгелер марафонунун» жыйынтыгы ири санариптик демилгелерди ишке ашыруудагы лидерлигибизди дагы бир жолу тастыктады. Биз санариптештирүү стратегиясын улантып, алдыңкы чечимдерди киргизип, кардарларыбыз үчүн жаңы мүмкүнчүлүктөрдү түзө беребиз.
MBANK — биринчи санариптик! Кыргызстанда жасалган!