Кыргыз Республикасында транзакцияларга салык киргизүү тууралуу маалымат

Урматтуу кардарлар!
Кыргыз Республикасынын Мамлекеттик салык кызматы «Транзакцияга салык» аттуу атайын салык режиминин киргизилгендиги тууралуу маалымдайт.

Кыргыз Республикасынын Президентинин 2025-жылдын 5-декабрындагы №350 Жарлыгына ылайык, Кыргыз Республикасынын Салык кодексине төмөнкү өзгөртүүлөр киргизилди:

— «Транзакцияга салык» атайын салык режими киргизилди;
— Салыктын чени 0,2%дан 0,1%га чейин төмөндөтүлдү;
— Эсеби ачылган банк транзакцияларды жүргүзүү учурунда салык агент катары салыкты кармап, төлөп берет;
— Бул режимди колдонгон салык төлөөчүлөр транзакциялар боюнча гана ишмердүүлүк жүргүзүүгө укуктуу. Кыргыз Республикасынын аймагында башка ишмердүүлүктү жүргүзүүгө тыюу салынат.

❗ Маанилүү:
Транзакциялар боюнча ишмердүүлүк жүргүзгөн салык төлөөчүлөр 2026-жылдын 1-февралына чейин атайын салык режимин колдонуу тууралуу арызды салыктык каттоодон өткөн жери боюнча салык органына тапшыруусу зарыл.

Бардык суроолор боюнча Кыргыз Республикасынын Мамлекеттик салык кызматына кайрылууңуздарды өтүнөбүз.