Бүтүн бир козу жана $12 000 байге фонду: Кырчындагы «Көчмөндөрдүн Дүйнөлүк Кухнясында» ашпозчулардын таймашы кандай өттү
Кырчын капчыгайында «Көчмөндөрдүн Дүйнөлүк Ашканасы» фестивалынын алкагында өткөн масштабдуу Chef Battle кулинардык чемпионаты жыйынтыкталды. Бул кызыктуу таймашта дүйнөнүн ар кайсы өлкөлөрүнөн келген 14 ашпозчу Кыргызстанга келип, көчмөндөрдүн байыркы рецепттери заманбап ыкмада да өзгөчө жана кызыктуу болорун далилдөөгө аракет кылышты.
Бул гастрономиялык майрамдын башкы демөөрчүсү — MBANK.
Финалга карай жол: боор, форель жана «кара куту»
Чемпионат үч этаптан туруп, ашпозчулар көчмөндөрдүн ашканасына автордук көз карашын көрсөтүштү:
- Тандоо туру: катышуучулар боордон тамак даярдашты.
- Жарым финал: «кара куту» сынагында ашпозчуларга жашыруун ингредиент — форель берилди. Алар ошол замат тамактын концепциясын ойлоп табышы керек болду.
- Гранд-финал: эң күчтүү беш ашпозчунун таймашы. Милдет — бүтүндөй козунун этин ачык отто заманбап ыкмада даярдоо.
Калыстар бардык нерсеге баа беришти: негизги критерий — даамдан тартып, жумуш ордундагы тазалыкка, кесипкөйлүккө жана чыгармачылыкка чейин.
Жеңүүчүлөр жана байге фонду
Жалпы байге фонду 12 000 долларды түздү. Мыкты ашпозчулардын жыйынтыгы төмөнкүдөй бөлүштүрүлдү:
1-орун ($5 000): Адилбиш Гонгоржав (Монголия). Ал эт менен ачык отто иштөөдөгү чеберчилиги менен калыстарды суктандырып, абсолюттук чемпион аталды.
2-орун ($2 500): Саид Рощаев (Казакстан). Саид этникалык стилде даярдалган куурдак жана бешбармагы менен мыкты жыйынтык көрсөттү.
3-орун (ар бирине $1 000): Эрджан Келеш (Түркия) жана Фейруз Дадашев (Азербайжан). Бул чеберлер ардактуу үчүнчү орунду бөлүштү.
Бешинчи финалист — Өзбекстандан келген Юлдуз Эргашева.
Ар бири $500 атайын номинациялар
Уюштуруучулар айрым категорияларда өзгөчө мыкты көрсөткүчтөрдү көрсөткөн ашпозчуларды да белгилешти:
«Кулинардык чеберчилик жана техника» — Акбар Асылбеков (Кыргызстан).
«Мыкты даярдык жана тазалык» — Юлдуз Эргашева (Өзбекстан).
«Кесипкөйлүк духу» — Тимофей Кобетяк (Россия).
«Мыкты презентация жана заманбап жасалгалоо» — Тарон Агхабабян (Армения).
«Кулинардык инновация жана оригиналдуулук» — Батыр Хандурдыев (Түркмөнстан).
Ашпозчулар мыкты деген наам үчүн таймашып жатканда, фестивалга келген миңдеген коноктор Кырчындагы өзгөчө атмосферадан ырахат алышты. Фестивалдын башкы демөөрчүсү MBANK тоолуу аймакта интернеттин жоктугу эс алууга тоскоол болбошу үчүн кам көрдү.
Фестивалдын бардык аймагында MPay кызматы аркылуу ыңгайлуу санарип төлөм жеткиликтүү болду. Бул технологиянын жардамы менен коноктор этно базардан тамак-аш жана сувенирлерди заматта сатып ала алышты — төлөмдөр интернетсиз деле өтөт.
MBANK үчүн «Көчмөндөрдүн Дүйнөлүк Ашканасын» колдоо улуттук баалуулуктарды жайылтуудагы маанилүү кадам болуп калды.
MBANK — биринчи санарип. Кыргызстандын өнүмү!
КР Улуттук банкынын лицензиясы №014.